Weganan Electronico
FADA - Droga

ADICCION NA VIDEO GAMES

 

Ora nos tende e nomber, adiccion, nos ta pensa mesora of semper ariba droga of alcohol pero e tristo realidad ta cu tin un gran cantidad di adiccion.

Prome cu tur cos nos mester analisa e significado di e palabra adiccion.

Adiccion ta wordo defini como lo siguiente:

-        Dependencia fisico y psicologico di substancia cu ta altera e kimica di e celebro.

-        Un continuo involvimento cu un substancia, obheto  of actividad apesar di e consequencia nan negativo asocia cu ne.

Adiccion na wega nan di video of video games ta na momento cu un persona ta sinti su mes forsa of pusha door di su mes pa usa e computer den un forma exesivo y caminda cu e computer of videogame ta interferi  (strobe) den su bida diario y sigur den su trabou, relacion familiar of estudio.

Un videogame por ta un nintendo, playstation, psp, X-box  of weganan ariba computer of telefoon celular.

E adiccion na e videogames por tuma un rumbo asina  drastico caminda persona nan por isola nan mes completamente for di familiar nan, amistad nan of otro contacto- of actividad nan social.

E adiccion aki por ser compara cu e adiccion na gamblemento y casino.

Un reporte di e Concilio Di Ciencia y Salud Publico di American Medical Association a cita for di un encuesta hasi ariba e hungador nan di wega nan di computer na 2005 cu e hungador nan di e wega nan, MMORPG, Massively, Multiplayer Online Role Playing, ta hunga mas cu 2 ora pa dia compara cu otro hungador nan.

Esaki ta wordo yama: Gaming overuse.

40 porciento di e hungador nan di e wega World of Warcraft ta adicto segun un encuesta na Merca.

Na 2007, Michael Cai, director di Broadband and Gaming for Parks Associates, un compania cu ta hasi investigacion y analisis ariba media y technologia, a declara cu adiccion na Videogames ta un problema severo na pais nan asiatico manera China y Korea.

E resultado nan ta sugeri cu 2.4 % di Sur Koreano nan di edad di 9 pa 39 aña ta sufri di adiccion na videogames y cu un 10.2 % ta coriendo riesgo grandi pa comberti den un adicto.

Estudio nan cu a ser guia na Stanford University School of Medicine relaciona cu hungamento di videogames a mustra evidencia cu videogames ta adictivo.

Un estudio di MRI a descubri cu e parti di celebro cu ta genera e sentimento di recompensa ta   mas activo serca e hende homber durante e hungamento di e wega nan aki.

Un encuesta hasi na 2009, na 9000 studiante nan di 7 te cu 12 klas door di Centre for Addiction and Mental Health na Toronto, Ontario a duna como rsultado cu aproximadamente 10% ta sinta dilante di un pantaya pa 7 ora pa dia.

Un poco mas di e 10% a mustra di tin problema cu adiccion na hungamento di videogames den e aña anterior.

Na augustus 2005, e gobierno di China, caminda cu mas di 20 miyon hende ta hunga videogames online, a introdusi un prohibicion ariba online gaming pa baha e hunga pa solamente 3 ora pa dia

pa motibo di e adiccion.

POSIBEL SINTOMA NAN DI ADICCION NA VIDEOGAMING

- Algun hungador adicto ta preocupa mas cu nan interaccion den e wega cu e relacion cu nan

familiar nan of otro persona nan.

- Hopi ora nan di hungamento y lagando e bañamento pa e ora nan laat di anochi y tambe

considerando limpiesa personal como perdida.

- Perdida of subimento di peso exesivo door di ora nan largo di hungamento

- Sistema di drumi for di ordo

- Hungamento na trabouw

- Keda para un caminda y keda wak na laira pa un rato largo

- E hungador adicto ta evita yamada nan di telefoon di amigo (a) nan.

- Gañamento tocante e duracion din an hungamento

 

POSIBEL CAUSA NAN DI ADICCION

-        Pa satisfase nesesidad nan psicologico

-        Pa haya recompesa cada biaha

-        Nan ta sinti liber

-        Tin coneccion cu otro hungador nan

-        Ta haya satisfaccion cu no por ser haya den e mundu real

 

PREVENCION Y CORECCION

Algun pais nan manera , Sur Korea, China, Hulanda, Canada y Merca a reacciona contra e peliger di adiccion na videogames door di habri centro nan di tratamento.

Tratamento efectivo cu ta ser usa den e caso nan mescos cu droga y alcohol ta e combinacion di tratamento nan di psicomacologia( cu pido nan of droga nan cu ta influencia e comportamento),  psicoterapia ( tratamento a base di combersacion y usando psicologia)  y tambe e programa di e 12 paso nan manera ta ser usa den caso nan di adiccion na droga.

Tambe ta existi: ONLINE GAMERS ANONYMOUS cu ta situa na Estados Unidos y cu ta ofrese e programa di 12 paso nan.

Na Hulanda ta existi e clinica: Smith and Jones cu tambe ta ofrese su servicio pa yuda esnan cu ta pega of adicto na e wega nan di videogames.

 

MORTO NAN ROND DI MUNDO DOOR DI VIDEOGAMING

Grandi y chikito a fayesa a consecuencia di agotamiento (cansancio extremo) y tambe atake di curason door di hungamento di videogames durante ora-  y dia nan largo.

Tambe a tuma lugar morto nan relaciona cu hungmento di videogames pa motibo di tuma e rol over di e wega di por ehempel matamento y aplice den bida real.

Tin caso nan di suicidio cu ta tumando lugar pa motibo di tuma e rol over di personahe di e wega y asina ta mata nan mes pa reuni cu otro hungador nan cu tambe a comete suicidio.

Hende nan ta ser atraca door di hoben nan pa motibo di placa pa hunga online.

Otro caso ta por ehempel na Estados Unidos di un mama cu a sacudi un baby te mate pa motibo cu su yiu a strobe di hunga e wega di Farmville ariba Facebook.

Na Philadelphia un hoben di 16 aña a mata su mama cu martiu pa motibo di a kita e playstation for di dje.

Na New Mexico un mama a laga su yiu di 3 aña muri di desnutricion door di keda hunga pa tempo largo e wega Warcraft Online.

Na 2007 na Ohio un hoben a dispara ariba su mayor nan pa motibo di a kita e wega Halo 3 for dje.

Cantidad di morto nan a keda registra na Sur Korea, China, Estados Unidos, Vietnam y Canada a causa di e hungamento di videogames.

 

Pa mas informacion por tuma contacto cu oficina di FADA na telefoon 583-2999 of 583-9610 of tambe via e website di FADA: www.fundacionantidroga.org.

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610