Part 2: DROGANAN NOBO, SEAL ALERTA
FADA - News
Mephedrone ta un droga sintetico den forma di puiro color blanco y ta wordo produci di e mata Khat. E ta un droga stimulante cu tin efectonan parecido na XTC, amfetamina y cocaina.
E droga aki ta wordo uza den e fase di comienso y ta e droga preferi  na Inglatera den e clubnan nocturno.
Procedencia:  Inglatera

 

Part 2: DROGANAN NOBO, SEA ALERTA

MEPHEDRONE

Mephedrone ta un droga sintetico den forma di puiro color blanco y ta wordo produci di e mata Khat. E ta un droga stimulante cu tin efectonan parecido na XTC, amfetamina y cocaina.

E droga aki ta wordo uza den e fase di comienso y ta e droga preferi  na Inglatera den e clubnan nocturno.

Procedencia:  Inglatera

Uzo:  E droga aki, cu ta un fertilisante di mata, ta wordo uza via nanishi mescos cu cocaina of ta    

          wordo poni ariba un kaft di papel y ta wordo comi.

 

Algun efectonan:           

Paranoia

Cambio di color di cuero

Sodamento intenso

Depresion

Anshamento

Memoria ta wordo afecta

Impotencia

Halucinacion

 Mephedrone ta causante di hopi morto na Inglatera y Europa.

COCODRILO

Cocodrilo of Tianeptina ta un droga sintetico, calmante den forma di likido.

E droga aki ta parecido na heroina y ta sumamente adictivo, ta wordo uza den un estado avansa y por conduci na morto den termino di aproximadamente 3 aña.

Cocodrilo ta un droga barata uza dor di personanan di poco recurso.

Ingredientenan:  Codeina, Gasolin, Yodium, acido y varios otro kimiconan venenoso.

Procedencia:  Rusia

Aplicacion di e droga: Dor di huntamento
Efectonan:     
Duracion di e efecto ta aproximadamente 1 ora y mey pa 2 ora
Cuero ta bira color berde y ta cambia den forma di scama
Den fase avansa di uzo e cuero ta cambia bira color shinishi y ta cay despues caminda bo por mira tur e wesonan ta sali.
E droga aki ta asina adictivo cu e uzado no por stop di uze pesar cu e ta  mira con su cuero ta cay for di su curpa.
ROSEA DI DIABLO (DEVIL’S BREATH)

E droga rosea di diablo (devil’s breath) of tambe yama Scopolamina ta un droga den forma di puiro.
E droga aki ta ser produci di e mata yama Borrachero cu ta ser cultiva na Colombia, Venezuela y Ecuador.
E ingrediente principal di e mata Borrachero ta Scopolmina of tambe yama Burundanga. 
Rosea di diablo aparentemente ta circulando na Aruba caba.
E ta sin color y sin smak.
Aplicacion:   
E droga aki por ser supla den bo cara of poni den bo bebida (mescos cu GHB).
Den algun minuut e droga aki ta haci efecto ariba e victima y e efecto por dura oranan largo.
Efectonan:    
1) E victima ta perde conocemento completo
 2) E victima mentalmente ta bira controlabel dor di e malhechor caminda e victima por papia ainda.
 3) E victima su memoria ta wordo blokia dor di e droga.
Algun proposito di e malhechornan ta por ehempel:  
1) Abuso sexual
2) Hortamento 
3) Haci cuentanan bancario bashi di victimanan
Tur esakinan ta sosode cu permiso di e victima cu ta bou influencia di e droga.
Tactica di e malhechor: E malhechor ta yama bo cerca dje na un forma amabel y ta pidi bo lesa algo pe y asina supla e puiro den cara di e victima.
F.A.D.A. ta kere den e echo cu prevencion ta cuminsa na cas.
Pa esey  F.A.D.A.  kier a comparti e informacionnan necesario na e mayornan y na comunidad en general pa asina hunto nos por conscientisa nos hobennan ariba e peligernan y desgracianan cu uzo di droga ta trece cu ne y pa hunto nos por contribui na e bienestar y felicidad di nos comunidad.
Pa mas informacion por tuma contacto cu FADA na telefon: 5832999 of 5839610. Tambe por comunica via fax nr: 5834501, via fundacionantdroga.org  of via Facebook. FADA ta situa na Campanastraat 5, Dakota (Tarabana).
PREVENI  MIHO CU LAMENTA

 

 

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610