Con pa lanta bo yiu cu un bida sin droga ?
FADA - News

Con pa lanta bo yiu cu un bida sin droga ?

Pa biba un bida sin droga ta tuma full un comunidad pa haci esaki. Pero principalmente mayornan ta e miho ehempel.  Prevencion ta cuminsa na cas.

Mayornan cu duna nan yiunan tur atencion necesario  lo logra cu nan yiunan ta crece bira un adulto saludabel  y un persona cu por tuma un bon decision di biba liber di droga. Muchanan cu biba un bida yena cu bon ehempel, dedicacion y comprension di nan mayornan lo ta muchanan cu lo scoge pa biba sin droga.


 

Algun ehempel pa biba un bida sin droga:

Yuda e mucha balora y stima su mes. Pero principalmente kere den su mes. Ora un mucha tin autoestima halto e lo logra mucho mas den bida.

Siña y educa e mucha e realidad y efectonan di droga. Corda nunca no ta trempan pa cuminsa siña un mucha di droga. Miho mayor cuminsa na cas, cu un otro hende mal informa e mucha di droga ora ta laat caba.

E pregunta ta pakico ami como mayor mester ta preocupa cu educa y informa mi yiu di droga? E contesta ta lo siguiente: Un dia nan lo ofrece bo yiu droga y e ora ey ta keda na e pa dicidi si e lo bay scoge pa bisa si of no. Naturalmente si e no ta bon informa e lo por tuma e decision robes. Pesey no warda pa informa y educa bo yiu di droga paso otro hende cu mente maligno si lo hacie.

Muchanan por encontra problemanan serio cu e uzo di alcohol y otro droga. Por ehempel :  Haci daño na nan curpa, problemanan serio cu crecemento fisico y emocional, problema pa concentra na school, problemanan familiar, problema cu husticia y “overdosis”. Pesey mes si mayornan educa nan yiunan na cas manera mester ta tocante di droga anto mucha por siña bisa NO na droga prome cu nan wordo expone na droga. Mayor ta e prome persona yama pa duna un bon informacion y ehempel riba tur entre otro sexualidad, comportacion, droga, tec.

Kico ami como mayor por haci pa yuda mi yiu resisti e tentacion di bay uza droga?

  1. Cuminsa e arte di educa bo yiu. Pa motibo cu e prome paso pa yuda bo yiu biba un bida sin droga ta  siña nan sinti bon cu nan mes.
  • Semper motiva bo yiu , yame danki pa su ayudo lage sinti cu e por faya pero cu otro biaha elo logra. 
  • Demostra bo yiu afeccion. No asumi cu bo yiu sa cu bo ta stime paso bo ta cumpra tur cos p’e. Material ta caba pero falta di cariño y afeccion ta afecta e mucha pa bida largo.
  • Duna amor incondicional. Duna critica si ta necesario riba e comportacion di bo yiu, pero no riba e mucha mes.
  • Pasa tempo cu bo yiu. Papia y haci actividadnan cu bo yiu. Evita di uza e television como un “baby sitter”. Pone tur cos un banda , celular y computer, ect pa dedica tempo na e mucha.
  • Duna bo yiu cierto responsabilidad. Por ehemplo dune tarea di cas pe haci .

  1. Siña bo yiu “skills “ di bida.
  • Con pa comunica adecuado. Esaki lo yude bisa No mas lihe na droga
  • Con pa anda cu nan sentimentonan. Un mucha cu por expresa su sentimento tin menos chens di scoge pa uza droga.
  • Maneha frustracion. Siña e mucha cierto manera nan pa anda cu frustracion pa medio di arte, deporte, resa y relaha.
  • Tuma decision nan den su bida  pa asina e por resolve problema. Esaki lo lage ta prepara pa anda cu e presion di grupo.
  • Pensa positivamente esaki lo yuda pa tur cos mayoria biaha bay bon.
  • Siña bo yiu pa resa y comunica cu Dios. Paso e ta esun cu por yuda soluciona tur nos problemanan.

  1. Laga bo yiu sa kico droga por haci cu su bida. Semper splike riba su nivel.
  • Splica bo yiu e diferencia di medicina y otro droga.
  • Papia cu bo yiu riba su nivel.
  • Siña bo yiu con pa bisa No na droga.

Cu muchanan mas grandi ta bon pa expresa bo idea ,opinion y conocemento. Sa e consecuencianan di droga. Discuti e dañonan cu droga por trece cu ne .

  1. Semper ta un bon ehempel pa bo yiu. Muchanan ta imita hende grandi. Bo actonan por trece un mensahe hopi cla p’e mucha. 
  • Evita di uza mensahe nan bruha .
  • Evita di bay depende di otro droga
  • Considera evita di uza alcohol/ sigaria
  1. Yuda bo yiu resisti e presion di grupo. Por ehemplo siñe con pa bisa No na droga, cambia di tema ,cana bay for e persona cu a ofrece droga. Tambe p’e tin confiansa pa conta bo locual ta pasando cu ne.
  • Encurasha bo yiu p’e scoge amigonan positivo cu no ta uza droga of alcohol.
  • Siñe pa  evita di bay luganan cu nan  ta uza alcohol y droga.
  • Haci actividadnan cu ta yude hisa su autoestima.

Tambe como mayor  siña bo yiu scoge otro actividadnan positivo. Semper abo como mayor keda altanto cu informacion di droga. Un biaha pa siman bin cu topico cu tur hende den e famia por participa y crea un discusion di dje. Lanta den e bario un grupo di mayor pa papia tur problemanan cu ta sosode den e bario y organisa actividad social y recreativo pa e bario. Hiba bo yiu F.A.D.A  pa asina nan tambe por splike mas di  droga. Pero principalmente no lubida prevencion ta cuminsa na cas.

Pa mas informacion tuma contacto cu F.A.D.A  situa na campanastraat 5 telefon: 58329-99 / 583-9610

Bron: Department of Alcohol & Drug Addiction Services OHIO USA
Bron: Trimbos-instituut, Nederland

Preveni  ta miho cu lamenta.

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610