Marihuana
FADA - Droga

MARIHUANA

Marihuana ta un droga ilegal conoci rond mundo. E nomber di e mata ta Cannabis Sativa. Algun nomber di Marihuana ta entre otro: cheiba, pito,weed of joint. Mata di Marihuana ta contene 400 kimico, cu ora di huma ta multiplica te na 2000.  Un di e kimiconan aki yama THC (Tetra Hydro Cannabinol), cual ta esun mas peligroso. Uzo di Marihuana ta hiba na adiccion. E droga aki ta wordo presenta pa prome biaha dor di un bendedo como uno inofensivo, natural y cu potencial pa yuda bo lubida dolornan sentimental, sufrimento y stress. E  mata aki ta wordo cultiva awendia di un manera pa lanta e porcentahe di THC pa haci un impacto den haltura pa asina e uzado bira un esclavo directamente di uzo di marihuana despues  di purba.

HASH

Hash ta consisti di  likido cu ta sali for di  stam di  mata di marihuana.

E likido aki tin un concentracion halto di kimico THC.

Su color por ta maron cla te maron scur pero por varia den direccion di color berde, geel, preto of cora.

E likido aki ta ser colecta, seca y despues comprimi den un variedad di forma.

Despues di seca e ta wordo kibra y ta ser keinta den pipa, hookah, bong, vaporizer of un cuchiu y ta ser mescla den  sigaria di marihuana of cu tabaco pa ser huma.

E contenido di THC den Hash por alcansa te 70% mientras cu  porcentahe di THC den  azeta di hash por varia di 30 pa 90%.

E color di  hash ta refleho di e forma cu e a wordo cultiva, crea y acumula.

Sintomanan di uzo

  • Wowo cora
  • Boca seco
  • Kick di harimento
  • Musculonan debil
  • Mira colornan den forma mas intenso
  • Perdemento di nocion di tempo
  • Come na un forma exagera
  • Halucina

Consecuencianan a corto plaso

·       Panico

·       Angustia

·       Aumento di batimento di curason (riesgo di atake di curason)

·       Depresion y soño despues di haltura

·       Reaccionnan ta bira slow

·       Cambio na bo sintinan

·       Problema cu siñamento

Consecuencianan a largo plaso

  • Defensa di curpa contra griep ta baha
  • Agresividad
  • Falta di motivacion
  • Schizofrenia (enfermedad mental)
  • Daño na celebro (dificultad pa corda cosnan recien)
  • Cancer na pulmon
  • Impotencia cerca hende homber
  • Infertilidad cerca hende muhe
  • Yiunan cu defecto na curpa
  • Perde memoria y concentracion

Tipnan

Informa bo mes bon tocante di droga

Busca amigonan sano

Evita  prome uzo

Tuma decisionnan sano pa bo futuro

Den caso di uzo busca ayudo profesional mas lihe posibel

Marihuana ta inofensivo realmente?

Marihuana no ta e haltura inofensivo manera hopi hoben y mayornan ta pensa. E ta un droga cu ta habri porta pa uzo di droganan mas fuerte. E marihuana actual ta mas potente cu esun di antes y su efectonan dañino ta mas duradero. 1 joint di marihuana ta ekivalente na 7 sigaria.

Pa mas informacion por tuma contacto cu FADA na telefon: 5832999 of 5839610.

Tambe por comunica via fax nr: 5834501, via fundacionantdroga.org  of via Facebook.

FADA ta situa na Campanastraat 5, Dakota (Tarabana). 

PREVENI TA MIHO CU LAMENTA

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610