Adictonan ambulante
FADA - Adiccion

Adictonan ambulante

Ken ta un adictonan ambulante?

Cu adictonan ambulante ta referi na e grupo di persona (hopi biaha adicto na droga), cu ta frequenta nan mes den centro di ciudad.

E grupo aki ta mihor conoci den comunidad como e “chollernan”. Mester bisa si cu e grupo aki no ta solamente den centro di ciudad pero tambe den otro barionan.

Adiccion

  • Hende por bira adicto na un substancia of na un actividad;
  • Adiccion tin efecto riba tur e aspectonan di bida di e ser humano;
  • Adiccion ta wordo mira como un malesa progresivo mundialmente;
  • E no ta descrimina!.

Adiccion na droga

Tin hopi influencia riba e aspecto fisico y mental di e persona;

E nomber choller?

E palabra mas serca na e palabra choller, ta e palabra frances “clochard”→

Cu tin como nificacion; un persona cu tin un comportacion cu no ta socialmente acceptabel, cu No tin un trabao ni tampoco un lugar fiho di biba (vivienda). Esaki ta e palabra mas serca di e palabra Antiano/Arubiano. Por ehempel ta ser bisa;

E a chol un cadena, cu ta referi cu e a bende/cambia e cadena cu como meta pa haya placa/droga a cambio. Hendenan cu ta haci e tipo di actonan aki ta ser jama choller.

Ken ta pertenece bao e grupo di “choller”?

Mester ta cauteloso ora ta papia di e grupo cu ta wordo categorisa como choller, bao e grupo aki ta pertenece e siguiente personanan;

  • Usadornan di droga (dependiente di un substancia);
  • adictonan (adicto na un substancia y/of sex, gamble ect);
  • hendenan cu no tin un dac riba cabes (cas of lugar di hospeda);
  • pashentnan psikiatrico (problema/malesa psikiatrico) sin hogar;
  • Dual Diagnose/Double Trouble (adicto cu problema/malesa psikiatrico);
  • Zwervers (hendenan cu problemanan social cu ta keda circula riba caya).

No ta semper e chollernan aki ta usadornan di droga!

Dicon hende ta bira choller?

Hende no ta bira choller di nochi pa mainta, e ta un proceso largo di tempo indifini y unico pa cada persona (tur hende tin un otro experencia). Un choller ta un hende cu a perde dominio riba e aspectonan importante di su bida, e aspecto fisico, mental, social y spiritual.

Adictonan ambulante y nan comportacion

  • Manipulacion;
  • Gañamento;
  • Secreto;
  • Isolacion;
  • Cambio di amistadnan;
  • Agresividad;
  • Paranoia;
  • Ansiedad;
  • Insomnio.

Consequencianan di nan comportacion

E comportacion adictivo ta uno hopi dirigi riba e adicto so, e no ta parse di ta biba den e mundo di realidad, e ta perde contacto cu realidad (comunidad).

E comportacion aki tambe tin su consequencianan pa comunidad, manera;

  • Problema cu husticia (leynan, castigo, prison)
  • Gastonan (accidentenan, detencion, cuido);
  • Problemanan social (desorden, violencia, menos seguridad).

Actividadnan diario

  • Hortamento (auto, negoshi, atraconan personal riba tas ect);
  • Pidi placa (pa cumpra mas droga);
  • Sconde (pa autoridad cu por ta buscanan pa un crimen cometi anteriormente);
  • Drumi (den skina, riba carton biew, acera);
  • Laba y ciuda bo auto (sin bo permiso, pa placa);
  • Seks (bao influencia, prostitucion);
  • Bende droga (na turistanan);
  • Usa droga (crack of cocaina);

Chollerhouse?

Chollerhouse ta un lugar cu a wordo podera pa e asina jama chollernan, cu como meta pa haci nan actividadnan diario aden.
Mayoria biaha esakinan ta edificionan abandona, biew, of sin funcion.

Efectonan di e problematica di choller

  • Un crecimento di comportacionnan criminal;
  • Benta di droga ta trece cune e deliquencia di droga (gangs ect);
  • Menos sentido di seguridad den comunidad;
  • Mas ladronicia y benta di droga (den e area turistico);
  • Mas problemanan di salud den comunidad;
  • Hopi dañonan material (den accidentenan ect);
  • Un mahos bista den centro di ciudad.

Caracteristicanan di un adicto

  • E ta sufri di trastorno di personalidad, adiccion ta djis un sintoma;
  • E no ta acepta cu e ta un adicto, e no ta reconoce cu e tin mester di ayudo e ta nenga su problemanan;
  • E ta egocentrico y individualista, e no tin preocupacion pa cu otro hende;
  • E ta inconsistente, e no ta perservera, e ta cuminsa cu algo pero no ta cabele, e no ta tolera rutina;
  • E ta un persona cu kier e cosnan ora cu e bisa, e no por warda;
  • E no ta planifica abase di realidad (cumpra auto nobo sin tin placa pa pagele);
  • E ta manipulado, semper ta sali gana, e kier e cosnan manera y ora cu e bisa, otro hende semper ta fout;
  • E ta inmaduro, ancioso, insigur di su mes;
  • E no ta siña di su experencianan, tampoco di experencia di otro hende;
  • E tin nivel di frustacion y tolerancia hopi abou;
  • Su autoestima ta hopi abou;
  • E tin gran capacidad pa seduci y cai na agrado di tur hende;
  • E ta gusta haci promesa cu e no por cumpli;
  • E ta un mentiroso, e mes ta kere su mesun mentiranan.

Tipsnan practico!

  • No reclama un adicto bao influencia di substancia;
  • Tene hopi pasenshi pasobra e proceso di rehabiliatcion ta uno hopi largo;
  • Dune atencion y keda semper cu mente habri pa cualkier eventualidad;
  • No juzga su comportacion sin brinda ayudo;
  • No mustra cu bo tin miedo;
  • Comunica na lugarnan safe;
  • No spera cu e ta bay cumpli cu palabracionnan;
  • Adictonan ta hendenan mescos cu nos cu ta sufri di un malesa progresivo;
  • Atencion mester ta dirigi riba e 4 aspectonan humano, mental, fisico, social y spiritual;
  • Busca ayudo pa e adicto, hopi biaha e mes no por!

 

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610